Qazaqstan quramasy Frantsııada ótken fızıka olımpıadasynda bes medal jeńip aldy
ASTANA. KAZINFORM – Qazaqstan quramasy álemdik deńgeıdegi zııatkerlik saıystarda joǵary nátıjeler kórsetip jatyr. Frantsııanyń Palezo qalasynda ótken fızıkadan halyqaralyq olımpıadada (International Physics Olympiad, IPhO-2025) ulttyq qurama bes medal jeńip aldy.
Oqý-aǵartý mınıstrligi málimetinshe, bıylǵy olımpıadaǵa 90 elden 400-den astam daryndy oqýshy qatysty. Qazaqstan bul joly da úzdikter qatarynan kórinip, eki kúmis jáne úsh qola medal ıelendi.
Ámirbek Azatbekov — Astana qalasyndaǵy Nazarbaev Zııatkerlik mektebiniń 11-synyp oqýshysy;
Bekasyl Elýbaı — Almaty qalasyndaǵy Nazarbaev Zııatkerlik mektebiniń 12-synyp oqýshysy;
Ámir Pshenbaev — Astana qalasyndaǵy «Spectrum» halyqaralyq mektebiniń 12-synyp oqýshysy;
Nurgúl Egenbergenova — Astana qalasyndaǵy NURORDA mektep-lıtseıiniń 10-synyp oqýshysy;
Artýr Kım — Astana qalasyndaǵy «Spectrum» halyqaralyq mektebiniń 12-synyp oqýshysy.
Komandanyń ǵylymı jetekshileri — PhD doktory, Sýleıman Demırel ýnıversıtetiniń assıstent-professory Samat Maqsutov jáne halyqaralyq olımpıadalardyń júldegeri Alısher Erkebaev.
Aıta keteıik, fızıkadan halyqaralyq olımpıada 1967 jyldan beri ótkizilip keledi jáne álemdegi eń bedeldi pándik jarystardyń biri sanalady (International Science Olympiads).
Qazaqstan IPhO olımpıadasyna 1997 jyldan beri turaqty qatysyp keledi. Osy ýaqyt ishinde ulttyq qurama ondaǵan medal jeńip alyp, daıyndyǵy men ǵylymı áleýetiniń joǵary ekenin dáleldep júr.
Qazaqstandyq oqýshylar álemdegi eń bedeldi olımpıadada 6 medal jeńip alǵanyn jazǵan edik.