Qazaqstan quramasy Eýropa ashyq kýbogyn qos medalmen bastady

ASTANA. KAZINFORM — Slovenııa astanasy Lıýblıana qalasynda ótip jatqan dzıýdodan Eýropa ashyq kýbogynyń alǵashqy jarys kúninde Qazaqstan quramasy eki medal aldy.

El quramasynan áıelder arasynda Esmıgúl Kýıýlova (63 keli) fınalǵa deıin qarsylas shaq keltirmeı, kúmis medal aldy. Jarys barysynda 5 kezdesýdiń 4-eýin jeńispen aıaqtady.

Al erler arasynda Áljan Nurádil (60 keli) qola júldege qol jetkizdi. Ol jubanysh fınalynda Krıstofer Velaskony (AQSh) jarys jolynan shyǵardy.

Aıta ketsek, Eýropa ashyq kýbogyna 44 elden 470 dzıýdoshy qatysyp jatyr. Ekinshi jarys kúni búgin, 15 aqpanda jalǵasady.

Eske salsaq, budan buryn Halyqaralyq dzıýdo federatsııasy (IJF) 6-8 naýryz aralyǵynda Aýstrııanyń Lınts qalasynda ótetin Gran-prı kezeńine qatysatyn sportshylardyń aldyn ala tizimin jarııalady.