Qazaqstan quramasy eskek esý sportynan Azııa chempıonatynda 12 medal aldy
ASTANA. KAZINFORM — Búgin Qytaıdyń Nanchan qalasynda baıdarka men kanoede eskek esýden Azııa chempıonaty máresine jetti.
QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, qurlyqtyq dodada qazaqstandyq sportshylar 4 altyn, 4 kúmis jáne 4 qola aldy. Nátıjesinde medaldar kestesinde ekinshi orynǵa turaqtady. Kósh basynda Qytaı quramasy tursa, úshinshi satyǵa ırandyq eskek esý sheberleri taban tiredi.
Ulttyq quramanyń bas bapkeri Qaısar Nurmaǵambetov el quramasy úshin 12 júlde joǵary nátıje ekenin atap ótti. Tórt altynnyń ekeýi Olımpıada baǵdarlamasyna engen qashyqtyqta qolǵa tústi. Quramanyń basym bóligine jastar shaqyrylǵan. Endigi kezekte jastar negizgi quramǵa kóbirek tartylatyn bolady.
Qazaqstandyq sportshylardyń nátıjesi
Chempıondar:
Olga Shmeleva men Irına Podoınıkova (baıdarka, 500 m)
Olga Shmeleva men Artem Tereşenko (baıdarka, 500 m)
Sergeı Emelıanov pen Rýfına Iskakova (kanoe, 500 m)
Qazaqstan áıelder quramasy (4 adam, baıdarka, 500 m)
Kúmis medal:
Bekarys Ramatýlla (baıdarka, 500 m)
Vıktor Stepanov (kanoe, 200 m)
Stella Sýhanova (baıdarka, 1000 m)
Sergeı Emelıanov pen Polat Tórebekov (kanoe, 500 m)
Qola medal:
Olga Shmeleva (baıdarka, 200 m)
Marııa Brovkova (kanoe, 500 m)
Qazaqstan quramasy (4×mıkst, baıdarka, 500 m)
Qazaqstan quramasy (4×mıkst, kanoe, 500 m)