Qazaqstan quramasy erkin kúresten álem chempıonatynda eki medal jeńip aldy

Qazaqstan áıelder quramasy Tıranada (Albanııa) ótip jatqan erkin kúres túrlerinen 23 jasqa deıingi jastar arasyndaǵy álem chempıonatynda eki qola medal jeńip aldy. Kazinform bul týraly Sports.kz-ke silteme jasap habarlaıdy. 

53 kelige deıingi salmaqta Altyn Shaǵaeva qola júlde jeńip aldy. Sondaı-aq bul salmaqta ýkraınalyq Lılııa Malanchýk ta qola júldeger atansa, Moldova ókili Marıana Dragýtan kúmis, japondyq Mako Oono altyn medal aldy.

62 kelige deıingi salmaqta da Qazaqstan quramasy qola júldeni enshiledi: bul medaldi el qorjynyna Irına Kýznetsova saldy. Bul salmaqta reseılik Alına Kasabıeva qola, ýkraındyq sportshy Irına Bondar kúmis, japondyq ıÝdzýka Inagakı altyn medal jeńip aldy.