Qazaqstan quramasy Elena Rybakınanyń «Bıllı Djın Kıng kýbogi» matchyna nege qatyspaǵanyn túsindirdi

Tennısten áıelder quramasynyń kapıtany ıAroslava Shvedova ulttyq komanda kóshbasshysy Elena Rybakına «Bıllı Djın Kıng kýbogi» aıasynda Aýstralııamen ótetin matchqa nege qatyspaǵanyn túsindirdi. Kazinform bul týraly Sports.kz saıtyna silteme jasap habarlaıdy.

Rybakına qurama tiziminde bolǵan, biraq match kúni ózin jaısyz sezingendikten aýstralııalyqtarmen kezdesýde komandasyna kómektese almaıtyny belgili boldy. Shvedova Rybakınanyń densaýlyǵyna qatysty máseleler bar ekenin rastap, jaǵdaıy Kankýndegi WTA qorytyndy týrnırinen keıin qıyndap ketkenin aıtty.

«Kankýndegi oıyndy, oǵan daıyndyq dárejesi qandaı bolǵanyn bári biledi dep oılaımyn. Oıynshylarǵa ońaı soqpady, osy týrnırden keıin tennısshilerdiń kóbi jaraqat alyp, densaýlyq jaǵdaılary qıyndap ketti. Elena - týrnırden keıin aýyryp qalǵan birneshe oıynshynyń biri. Ol arqasynda aýyrtpalyq bar ekenin sezgen. Tez arada jazylyp, qatarǵa qosylady, tipti burynǵydan da kúshti bolyp oralady dep úmittenemin», - dedi Shvedova.