Qazaqstan quramasy eki kúmis júldege qol jetkizdi
ASTANA. KAZINFORM – Konkýrdan Ózbekstan astanasy Tashkent qalasynda ótip jatqan álem kýbogynyń kezeńinde Qazaqstan quramasy eki kúmis medal aldy.
Sportty damytý dırektsııasynyń baspasóz qyzmeti málim etkendeı, búgin komandalyq marshrýt sanalatyn Ulttar kýbogy sapynda Ksenııa Batalova, Erjan Maǵjaev, ıAsmın Ibragımova jáne Shyńǵys Malıkajdar syndy sportshylar bar Qazaqstan quramasy ekinshi orynǵa ıe boldy.
Bul synda Ózbekstan komandasy jeńimpaz atansa, Qyrǵyzstannan kelgen shabandozdar úshtikti túıindedi.
Al jeke jarystar saıysynda kedergilerdi eńserýde N6 baǵdarynda Ulttyq qurama sportshysy ıAsmın Ibragımova kúmis júlde jeńip aldy. Ol 130 sm bıiktiktegi kedergilerdi Quattro VDB laqap atty jylqymen júrip ótti.
Aıta keteıik, álem kýbogy kezeńine barlyǵy 50 sportshy qatysyp jatyr.
