Qazaqstan quramasy dzıýdodan Polshadaǵy Eýropa kýbogyn 5 medalmen aıaqtady
ASTANA. KAZINFORM - Qazaqstandyq dzıýdoshy Aıbol Nysanáli Polsha astanasy Varshava qalasynda ótken Eýropa kýbogynda qola júldeger atandy.
Erler arasynda 90 kelige deıingi salmaqta beldesken ol úzdik úshtikten kórinip, el qorjynyna besinshi júldeni saldy. Jubanysh fınalynda otandasymyz ýkraınalyq Oleksandr Toktamyshty qapy qaldyrdy.
Osylaısha Qazaqstan quramasy Varshavada óten Eýropa kýbogin 1 altyn, 1 kúmis jáne 3 qola júldemen jalpy komandalyq esepte besinshi orynmen aıaqtady.
Aıta ketsek, budan buryn 60 kelige deıingi salmaq dárejesinde jeńis tuǵyryna Qazaqstannyń úsh sportshysy kóterildi. Fınalda Toqtar Ýmýtalıev Suńǵat Nurlatulyn jeńse, bul salmaqta qola júlde úshin beldesýde Asylhan Zınýllın polshalyq sportshy Ksaverıı Ignasıakty qapy qaldyrdy.
El quramasy qorjynyna taǵy bir qolany Kamıla Berliqash (78 keli) saldy.
Aıta ketsek, erler men áıelder arasyndaǵy Eýropa kýbogine 27 elden 320 dzıýdoshy qatysty.
Eske salsaq, budan buryn Qazaqstan quramasy dzıýdodan Aýstrııadaǵy Gran-prı týrnırin eki medalmen aıaqtady.
