Qazaqstan quramasy dzıýdodan álem chempıonatyn bir medalmen aıaqtady

ASTANA. KAZINFORM – Qazaqstan quramasy dzıýdodan Býdapeshtte (Majarstan) ótip jatqan álem chempıonatyndaǵy joryǵyn aıaqtady. 

Sheshýshi ári sońǵy saıys túri – aralas komandalar arasyndaǵy báseke boldy. 

Alǵashqy kezeńde Qazaqstan ulttyq quramasynyń balýandary Brazılııa komandasymen sheberlik baıqasty. Saıys qorytyndysy boıynsha brazılııalyqtar 0:4 esebimen jeńiske jetti.

Osylaısha, Qazaqstan quramasy bul álem chempıonatyn jalǵyz júldemen aıaqtady. Týrnırdiń birinshi kúninde Ábıba Ábýjaqynova 48 kelige deıingi salmaq dárejesinde kúmis júldeger atanǵan bolatyn.

Eske sala keteıik, buǵan deıin Qazaqstan grek-rım kúresinen jastar arasyndaǵy Azııa chempıonatynda 6 medal alǵanyn jazǵan edik.