Qazaqstan quramasy bokstan Futures Cup týrnırin tórt altyn medalmen aıaqtady
ASTANA. KAZINFORM — Qazaqstandyq boksshylar Taılandtyń Bangkok qalasynda World Boxing federatsııasynyń uıymdastyrýymen ótken jastar arasyndaǵy Futures Cup týrnırinde segiz medalǵa ıe boldy. Bul týraly UOK habarlady.
Keshki sessııanyń qorytyndysy boıynsha otandastarymyz bir altyn, úsh kúmis medal jeńip aldy.
Beıbarys Áshirbaı 70 kelige deıingi salmaqtyń fınalynda Qyrǵyzstan ókili Ahmadı Arvazdy jeńdi.
70 kelige deıingi salmaqta synǵa túsken Kamıla Ospanova fınalda ıtalııalyq Sara Skorranoǵa jol berdi.
Tımýr Taıbekov 80 kelige deıingi salmaqtyń aqtyq jekpe-jeginde grýzııalyq Davıt Mhıttsadzege ese jiberdi.
Sondaı-aq Vladıslav Samojonov 90 keliden joǵary salmaqtyń aqtyq synynda Ózbekstan ókili Islam Salıhovtan jeńilip qaldy.
Osylaısha, Qazaqstan quramasynyń enshisinde tórt altyn, tórt kúmis jáne úsh qola medal bar.
Buǵan deıin, Dosjan Jumaqan (60 kelige deıin), Hamza Maqsatuly (75 kelige deıin), Aıdana Ýbaıdýllaqyzy (80 kelige deıin) altynnan alqa taqsa, Jalǵas Ýtebekov (90 kelige deıin) kúmis aldy.
Al, Aqnur Tursynǵalı (57 kelige deıin), Zarına Tolybaı (75 kelige deıin), Nursultan Qystaýbaı (85 kelige deıin) jarysty qola júldemen aıaqtady.
Aıta ketelik Qazaqstan quramasy Azııa chempıonatynda kúmis medal jeńip alǵan edi.
