Qazaqstan quramasy bokstan álem kýbogyn úzdik úshtikte aıaqtady
ASTANA. KAZINFORM — World Boxing federatsııasynyń uıymdastyrýymen ótken álem kýbogynyń birinshi kezeńin Qazaqstan quramasy medaldar kestesinde qaı oryn alǵany belgili boldy.
Jarys Brazılııanyń Fos-dý-Igýasý qalasynda 20-26 sáýir aralyǵynda ótti.
Qazaqstandyq boksshylar bedeldi básekeni úsh altyn, bir kúmis, úsh qola medalmen aıaqtady. Bedeldi básekede Sultanbek Aıbaruly (85 keli), Valerııa Aksenova (80 keliden joǵary), Vıktorııa Grafeeva (60 keli) jeńimpaz tuǵyryna kóterildi.
Al Aıda Ábikeeva (65 keli) kúmis medal alsa, Alýa Balqybekova (51 keli), Jibek Jarasqyzy (80 keli), Dıas Moljigitov (80 keli) qola júldeger boldy.
Álem kýbogynda 7 medal alǵan otandastarymyz jalpy komandalyq esepte úzdik úshtikti túıindedi. Kósh basynda 9 (5 altyn, 4 kúmis) Brazılııa tursa, odan keıingi orynǵa Qytaı (4-0-1) quramasy jaıǵasqan.
Sondaı-aq odan keıingi oryndarda Ázerbaıjan (3-0-1), Polsha (2-0-3), Ózbekstan (2-0-1), Norvegııa (1-1-1), Venesýela (1-0-0), Ispanııa (0-2-2), Majarstan (0-2-0), AQSh (0-1-2), Frantsııa (1-0-2), Aýstralııa (0-1-1), Japonııa (0-1-1), Marokko (0-1-1) keledi.
Al Serbııa, Horvatııa, Armenııa bir kúmis alsa, Kanada — 3, Anglııa, Argentına, Italııa, Túrkııa — 2, Aýstrııa, Germanııa, Bolgarııa, Qyrǵyzstan, Moldova, Taıpeı, Belgııa bir qola oljalady.
Álem kýbogyna bıyl 50 elden 400-den astam boksshy qatysyp, rekordtyq kórsetkishke jetti.
