Qazaqstan quramasy Bıllı Djın Kıng kýbogynyń irikteý kezeńine joldama aldy

ASTANA. KAZINFORM - Astanada Bıllı Djın Kıng kýbogy aıasynda Qazaqstan men Koreıa pleı-off matchynda esep 3:0-ge jetti.

Saıystyń ekinshi kúni kortqa Elena Rybakınanyń ornyna álemniń 29-raketkasy ıÝlııa Pýtıntseva shyqty.

Ol dúnıejúzilik reıtıngide 418-orynda turǵan Ký En Výmen sheberlik baıqasty.

Qazaqstandyq tennısshi qarsylasyn 6:4, 7:5 esebimen tize búktirdi.

Bir saǵat 41 mınýtqa sozylǵan báseke barysynda Pýtıntseva 3 eıs eıspen birge 13 breık-poınttyń altaýyn paıdalandy. Ký En Vý 4 breıkpen (11 breık-poınt) shekteldi.

Osylaısha, Qazaqstan quramasy qalǵan oıyndardyń nátıjesine qaramastan, aldaǵy jyly sáýirde ótetin Bıllı Djın Kıng kýbogynyń irikteý kezeńine joldama aldy.

Eske sala keteıik, budan buryn Qazaqstan - Koreıa matchynda Elena Rybakınanyń esepti 2:0-ge jetkizgenin jazǵan bolatynbyz.