Qazaqstan quramasy Azııa oıyndarynda bir altyn júldesinen qaǵyldy
NAGOıA.KAZINFORM — Qazaqstandyq jeńil atlet ıAsmına Toqsanbanvanyń Japonııadaǵy ótip jatqan jazǵy Azııa oıyndarynda jeńip alǵan altyn júldesi jaıyndaǵy daýǵa qatysty naqty sheshim qabyldandy.
Uıymdastyrý kómıteti jarystan keıin qarsylastyń shaǵymy boıynsha qazaqstandyq jelaıaqtyń aıaq kıimine tekserý júrgizgen.
Qortyndysynda, Azııa oıyndary resmı saıtynda otandasymyzdyń nátıjesi joıyldy.
Márege ekinshi bolyp jetken qytaılyq sportshy Danzengýtszýn chempıon atansa, onyń otandasy Ma Lı kúmis júldeger boldy. Sonymen qatar, japondyq atlet ıÝkıko Ýmene qola medal enshiledi.
Azııa oıyndary uıymdastyrý kómıteti jáne Azııa Olımpıadalyq keńesi, sonymen qatar Qazaqstan jeńil atletıka federatsııasy osy jaǵdaı boıynsha áli naqty málimdeme jasaǵan joq.
ıAsmına bul sheshimge baılanysty pikir bildirip, aldaǵy ýaqytta ózin qaıta dáleldeıtinin jetkizdi.
- Maǵan qoldaý kórsetip, janymnan tabylǵandardyń barlyǵyna, sondaı-aq basqa da jandarǵa sheksiz alǵysymdy bildiremin. Raqmet saǵan, Qazaqstan! Búgin biz Azııanyń jańa rekordyn ornattyq; búgin biz tarıh jazdyq! Tipti ony menen tartyp alsa da, men qaıta oralyp, muny taǵy da jasaımyn,- dedi sportshy.
Osylaısha, Qazaqstan quramasy keshe qorjynǵa túsken toǵyzynshy altyn medaldan aıyrylyp qaldy.
Osyǵan deıin habarlaǵanymyzdaı, ıAsmına Toqsanbaeva búgin áıelder arasynda sporttyq júristen marafon qashyqtyqty 3 saǵat 22 mınýt 20 sekýnda baǵyndyryp, márege birinshi bolyp jetti.
Qazirgi ýaqytta Qazaqstan quramasynyń enshisinde 41 medal bar: 9 altyn, 10 kúmis jáne 22 qola.
