Qazaqstan quramasy Azııa chempıonatynyń qola júldegeri atandy

ASTANA. KAZINFORM – Úndistan astanasy Nıý-Delı qalasynda velotrekten eresekter arasynda 43-shi, jasóspirimder arasyndaǵy 30-shy, para-sportshylar arasyndaǵy 12-shi Azııa chempıonaty ótip jatyr. 

Sportty damytý dırektsııasynyń baspasóz qyzmeti málim etkendeı, alǵashqy jarys kúni el qorjynyna qola medal tústi.

Atap aıtsaq iz kesý jarysynda Qazaqstan erler quramasy (Álisher Jumaqan, Dmıtrıı Noskov, Ramıs Dinmuhametov) komandalyq jarysta qola júldege qol jetkizdi.

Olardyń ýaqyt kórsetkishi – 4:03.129 sekýnd. 

Atalǵan synda altyn medaldi Japonııa quramasy jeńip alsa, kúmis júldeni Qytaı eliniń sportshylary qanjyǵasyna baılady.

Sondaı-aq sprıntte (Kırıll Kýrdıdı, Dmıtrıı Rezanov, Sergeı Ponomarev) Qazaqstan atletteri 5-satyǵa jaıǵasty.

Sary qurlyq dodasyna bıyl 23 eldiń úzdikteri jınaldy. Elimizdiń namysyn 9 sportshy qorǵap jatyr. 

Azııa birinshiligi 26 aqpanǵa deıin jalǵasady.