Qazaqstan quramasy at sporty týrnırinde júldeli orynǵa ıe boldy
ASTANA. KAZINFORM – 23–26 sáýir aralyǵynda Tashkent qalasynda Fédération Équestre Internationale (FEI) bekitken halyqaralyq at sporty týrnıri ótip jatyr.
Jarys aıasynda sportshylar ártúrli bıiktiktegi baǵyttar boıynsha baq synaıdy. Baǵdarlama 120 sm-den 155 sm-ge deıingi kedergilerdi qamtıtyn alty negizgi saıystan turady. Atap aıtqanda, alǵashqy kúni Accumulator jáne World Cup Grand Prix Qualifier jarystary ótse, kelesi kúnderi eki fazaly jarystar men fınaldyq kezeńder uıymdastyrylady.
Jarystyń alǵashqy kúni Qazaqstan quramasy joǵary nátıje kórsetip, júldeli oryndarǵa ıe boldy.
120 sm bıiktiktegi alǵashqy saıysta:
🥇 Bekjan Baıjanuly (KING DIAMOND) – 1 oryn
🥉 Oleg Sokolenko (SHENANIGAN) – 3 oryn
🏅 Islam Islamov (CLASSICA STAR) – 6 oryn
140 sm bıiktiktegi World Cup Grand Prix Qualifier kezeńinde:
🥇 Ksenııa Batalova (LADY DI) – 1 oryn
🥈 Oleg Sokolenko (CINDERELLA) – 2 oryn
🥉 Nurıla Turysbekova (QUIBELLE VAN D’ABELENDREEF) – 3 oryn
🏅 Raıssa Sokolenko (URAN – NAD WIGRAMI) – 5 oryn
Qazaqstandyq shabandozdar jyldamdyq, dáldik jáne joǵary sheberlik deńgeıin kórsetip, halyqaralyq arenada el namysyn abyroımen qorǵap jatyr.
Týrnırdiń negizgi kezeńderi alda, onyń ishinde jeksenbi kúni ótetin FEI Jumping World Cup™ «Eurasian League» Gran-prıi bolmaq. Bul saıysta sportshylar 155 sm bıiktiktegi kedergilerden ótip, eń úzdik nátıje úshin synǵa túsedi.
Qazaqstan quramasy qatarynda: Oleg Sokolenko, Islam Islamov, Daıana Ońaıeva, Aıan Ǵanı, ıAsmın Ibragımova, Bekjan Baıjanuly, Azamat Hassenov, Nurıla Turysbekova, Raıssa Sokolenko, Shyńǵys Málikjardar, Ksenııa Batalova, Jannet Chaıjýnýssova óner kórsetedi.
Atalǵan halyqaralyq týrnır tek sporttyq báseke ǵana emes, sonymen qatar kásibı tájirıbe almasýdyń, halyqaralyq yntymaqtastyqty nyǵaıtýdyń jáne aımaqtaǵy at sporty ınfraqurylymyn damytýǵa yqpal etetin mańyzdy alań. Mundaı jarystar óńir sportshylarynyń álemdik deńgeıge shyǵýyna múmkindik berip, at sporty mádenıetin jańa deńgeıge kóteredi.
Balany at sportyna erte jastan baýlý mańyzdy. Bul týraly sala mamandary Jibek Joly telearnasynyń «Búgin Live» baǵdarlamasynda aıtty.
