Qazaqstan quramasy ártistik júzýden komandalyq saıysta úzdik ondyqqa endi

ASTANA. KAZINFORM - Búgin Qazaqstan quramasy Sıngapýrdegi sý sporty túrlerinen álem chempıonatynda ártistik júzýden komandalyq saıystyń fınalynda óner kórsetti.

Ulttyq olımpıadalyq komıtettiń málimetinshe, atalmysh týrnırde synǵa túsken otandastarymyz komandalyq erkin jattyǵýda 277.8196 upaı jınaǵan. Osylaısha olar 7-orynǵa taban tiredi. 

Qurama sapynda Nargıza Bolatova, ıAsmın Tuıaqova, Daıana Djamanchalova, Ksenııa Makarova, Áıgerim Qurmanǵalıeva, Anna Pavletsova, Valerııa Stolbýnova jáne Jaklın ıAkımova óner kórsetti.

Álem chempıonatynda Qytaı quramasy 348.4779 upaımen úzdik atandy. Al japonııalyq sportshylar 334.7232 upaımen kúmis júldege qol jetkizdi. Ispanııa quramasy 321.1328 upaımen úshinshi oryndy mise tutty. 

Eske sala keteıik, osyǵan deıin ártistik júzýden Qazaqstan quramasy álem chempıonatynyń fınalyna ótkenin jazǵan bolatynbyz.