Qazaqstan quramasy ártistik júzýden Azııa chempıonatynda bes medal jeńip aldy

ASTANA. KAZINFORM — Úndistannyń Ahmedabad qalasynda sý sporty túrlerinen Azııa chempıonaty aıasynda ártistik júzý saıystary bastaldy.

Ulttyq Olımpıadalyq komıtetiniń málimetinshe, jarystyń alǵashqy kúninde Qazaqstan quramasy birden bes medalǵa qol jetkizdi. Onyń úsheýi - altyn.

Tehnıkalyq solo baǵdarlamasynda synǵa túsken Karına Magrýpova (240.1600) men Vıktor Drýzın (228.1708) jeńis tuǵyrynyń eń bıik satysyna kóterildi.

Osy baǵdarlamada Edýard Kım kúmis júldeger atansa (223.5584), ıAsmına Islamova qola medal ıelendi (204.0066).

Al komandalyq saıysta (erkin baǵdarlama) Qazaqstan quramasy altyn medal jeńip aldy (267.0639).