Qazaqstan quramasy ártistik júzýden álem kýbogy kezeńinde 6 medal aldy

ASTANA. KAZINFORM - Kolýmbııanyń Medelın qalasynda ótken kórkem júzýden álem kýbogynyń alǵashqy kezeńinen Qazaqstan quramasy tabysty oraldy. Bul jóninde Sport jáne dene shynyqtyrý isteri komıteti málim etti.

Jarys barysynda álemniń 20-dan astam elinen kelgen sportshylar júldege ilikti. Jalpy komandalyq esepte Ulybrıtanııa 3 altyn medalmen kósh basynda tursa, Qazaqstan 2 altyn, 1 kúmis, 3 qolamen ekinshi, Kanada 2 altyn, 1 qolamen úshinshi orynǵa turaqtady.

El quramasy sapynan erkin baǵdarlamada Edýard Kım jeńis tuǵyryna kóterildi. Al áıelder arasyndaǵy erkin baǵdarlamada komandalyq saıysta ıAsmın Tuıaqova, Daıana Jamanchalova, Ksenııa Makarova, Jaklın ıAkımova, Aıgerim Qurmanǵalıeva, Anna Pavletsova, Valerııa Stolbýnova, Karına Magrýpova, Nargıza Bolatova, ıAsmına Islamova chempıon atandy.

Kúmis júldege akrobatıkalyq komandamyz (Nargıza Bolatova, Vıktor Drýzın, Ksenııa Makarova, Jaklın ıAkımova, Aıgerim Qurmanǵalıeva, Anna Pavletsova, Valerııa Stolbýnova, Karına Magrýpova, ıAmın Tuıaqova, ıAsmına Islamova) ıe bolsa, qola júldege Vıktor Drýzın (tehnıkalyq solo), Aldııar Ramazanov pen ıAsmına Islamova (aralas tehnıkalyq dýet), Nargıza Bolatova men Vıktor Drýzın (aralas erkin dýet) qol jetkizdi.

Eske sala keteıik, Qazaqstan ártistik júzýden eki altyn medal jeńip alǵanyn jazǵan edik.