Qazaqstan quramasy ártistik júzýden álem chempıonatynda úzdik ondyqqa endi
ASTANA. KAZINFORM - Býdapeshtte (Vengrııa) ártistik júzýden jasóspirimder arasyndaǵy álem chempıonaty jalǵasyp jatyr.
Álem birinshiligi aıasynda Qazaqstan quramasy komandalyq saıysta (tehnıkalyq baǵdarlama) óner kórsetti. Nátıjesinde otandastarymyz 250.0992 upaı jınap segizinshi orynǵa turaqtady.
Reseı quramasy 290.1267 upaımen jeńiske jetti. Qytaı sportshylary 283.0642 upaı jınap, ekinshi oryn alsa, Ispanııa quramasy 273.0474 upaımen úzdik úshtikti túıindedi.
Aıta keteıik, búgin, 13 tamyzda Qazaqstan quramasy juptyq saıysta (tehnıkalyq baǵdarlama) óner kórsetedi.
Qazirgi tańda quramanyń qorjynynda bir medal bar. Buǵan deıin Vıktor Drýzın tehnıkalyq baǵdarlamada qola júldege ıe bolǵan edi.
Aıta ketelik Qazaqstan ártistik júzýden jasóspirimder arasyndaǵy álem chempıonatynda óner kórsetýdi bastaǵany týraly jazǵan edik.
