Qazaqstan quramasy ártistik júzýden álem chempıonatynda kúmis júldege ıe boldy
ASTANA. KAZINFORM — Býdapeshtte (Vengrııa) ártistik júzýden jasóspirimder arasyndaǵy álem chempıonaty jalǵasyp jatyr.
Kezekti jarys kúninde Qazaqstan quramasy kúmis medal jeńip aldy.
Sportshylarymyz akrobatıkalyq baǵdarlamada ekinshi oryn ıelendi. Qazaqstan quramasy 203,0926 upaı jınady.
Bul baǵdarlamada elimizdiń namysyn ıAsmına Islamova, Daıana Djamanchalova, Sofııa Ichshenko, Maqpal Qalmurza, Polına Merzlıakova, Aldııar Ramazanov, Aıǵanym Saım, Anastasııa Voronkova, Tahmına Zaırova jáne Salıma Aqylbek qorǵady.
Birinshi oryndy 232,2147 upaı jınaǵan Reseı quramasy ıelendi. Úshinshi oryn Belarýs sportshylaryna buıyrdy – 200,9777 upaı.
Osylaısha, Qazaqstan quramasynyń qorjynynda qazir úsh medal bar. Buǵan deıin Vıktor Drýzın úshinshi oryn alsa, ıAsmına Islamova men Aldııar Ramazanov kúmis júldege ıe bolǵan edi.
Aıta ketelik Qazaqstan kórkem júzýden jasóspirimder arasyndaǵy álem chempıonatynda ekinshi medalin jeńip alǵan edi.
