Qazaqstan quramasy arbadaǵy tennısten alǵash ret álem chempıonatyna irikteýge qatysady

ASTANA. KAZINFORM — 14 naýryzda Pattaııa qalasynda (Taıland) BNP PARIBAS WORLD TEAM CUP – komandalyq álem chempıonaty Azııa aımaǵynyń irikteý kezeńi bastaldy.

Іrikteý básekesine alǵash ret Qazaqstan erler jáne áıelder quramasy qatysady. Qazaqstan tennıs federatsııasy 2022 jyly elimizde arbadaǵy jáne adaptıvtik tennısti taratý jáne damytý isin bastaǵan edi. Qysqa ýaqyt ishinde ulttyq qurama jasaqtaldy.

Álem chempıonatyna irikteýde Qazaqstan namysyn myna sportshylar qorǵaıdy.

Erler:

Dastan Nııazov (Aqtóbe),

Dinmuhamed Álııakparov (Astana),

Qaınar Nurlybek (Astana).

Áıelder:

Aıshýaq Jetpisova (Qaraǵandy),

Aıjan Bitimbaeva (Qaraǵandy),

Aıgúl Berdesheva (Aqtóbe).

Keshe jerebe tartylyp, Qazaqstan quramasy S tobyna tústi. Onda Malaızııa jáne Irak komandalarymen oınaıdy.

Qazaqstan áıelder quramasy bir ǵana topta Ońtústik Koreıa, Taıland jáne Úndistan tennısshilerimen synǵa túsedi.