Qazaqstan qurama komandasy 3-shi orynda
ASTANA. 19 jeltoqsan. QazAqparat - Qytaı eliniń Haınan óńirinde dzıýdodan jasóspirimder jáne jastar arasynda Azııa chempıonaty aıaqtaldy. Atalmysh jarysqa 21 memleketten 160 sportshy qatysty.
Álemdik dodaǵa Qyzylorda oblysynan 10 sportshy qatysyp, onyń 8-i júldemen oraldy. Qazaqstan quramasy 3 altyn ıelense, osy úsh altynnyń ekeýi qyzylordalyqtardyń enshisinde, bireýin Jambyl oblysynyń sportshysy ıelendi. Jalpy komandalyq esepte Qazaqstan qurama komandasy 3-orynda, 1-oryn - Qytaı, 2-oryn - Ózbekstan.
Atap aıtsaq, jasóspirimder arasynda 40 kelide óner kórsetken Gúldana Murat pen 50 kelide Maǵjan Shamshıdın (ekeýi de sport ınternatynan) jeńimpaz atanyp, Qazaqstan Respýblıkasynyń sport sheberi ataǵyn oryndady.
55 kelide Baýyrjan Jaýyntaev kúmis júldeger atansa, 60 kelide oblystyq joǵary sport sheberligi mektebiniń sportshysy Nursultan Isa úshinshi oryndy ıelendi.
Al jastar arasynda Qazaqstan quramasy jalpy komandalyq esepte tórtinshi orynǵa ıe boldy. 60 kelidegi Erlan Jaqsybekov (olımpıadalyq daıarlaý ortalyǵy) pen asa aýyr salmaqta Elaman Erǵalıev kúmis júldeni enshilese, 100 kelide Ádilhan Qozybaev pen 63 kelide Aqerke Myrzabek qola júldeger atandy.
B.Jaýyntaev pen A.Saıyn kelesi jyly tamyz aıynda Qytaıdyń Nanjın qalasynda ótetin jasóspirimder arasyndaǵy Olımpıada oıyndaryna qatysady, dep habarlady alasharena.kz.
