Qazaqstan kúlli musylman úshin qasıetti Ramazan aıynda oryn alǵan terrorızm aktilerin qatań aıyptaıdy - SІM
ASTANA. QazAqparat -Qazaqstan sońǵy kúnderi Irakta, Aýǵanstanda, Bangladeshte jáne Saýd Arabııasynda eshqandaı da jazyqsyz, beıbit adamdardyń qazasyna ákep soqtyrǵan terrorızm aktisin batyl túrde jáne sózsiz aıyptaıdy.
«Kúlli musylman úshin qasıetti Ramazan aıynda terrorıstik aktilerdiń belsendi bola túsýi lańkestik toptardyń jalpy qabyldanǵan Islam qundylyqtarymen qandaı da bir baılanystarynyń joq ekenin taǵy da aıǵaqtaıdy. Ári terrorısterdiń ulty da, dinı nanymy da joq degen málimdemelerdi rastaı túsedi. Qazaqstan joǵaryda atalǵan memleketter bıliginiń halyqaralyq terrorızm jáne ekstrmızmmen kúresin kúsheıtýine tolyq qoldaý bildiredi jáne halyqaralyq qaýymdastyqty osyndaı qubylyspen kúresýge batyl ári kidirissiz sharalar qabyldaýǵa shaqyrady», - delingen Syrtqy ister mınıstrligi taratqan málimdemede.
«Búkil álemde terrorıstik qylmystyq áreketter beleń alǵan tusta biz halyqaralyq qaýymdastyqty BUU qamqorlyǵy aıasynda jahandyq antıterrorıstik koalıtsııany qurýdy jedeldetýge shaqyramyz. Terrorıstik aktilerden qaza bolǵandardyń otbasylaryna, jaqyndaryna qaıǵylaryna ortaqtasa kóńil aıtyp, teraktiden japa shekkenderdiń tezirek saýyǵýyn tileımiz», - delingen málimdemede.
