Qazaqstan quqyq qorǵaý júıesin reformalaý barysynda Grýzııanyń tájirıbesin qoldana alady - K. Másimov
ANA. 15 shilde. QazAqparat /Jasulan Amanbaıuly/ - Qazaqstan quqyq qorǵaý júıesin reformalaý barysynda Grýzııanyń tájirıbesin qoldana alady.
Búgin bul týraly Zakon.kz portalynda ótken beıne-onlaın konferentsııasy barysynda QR Premer-Mınıstri Kárim Másimov osylaı dedi.
Grýzııada polıtsııa qyzmetine qatysty eleýli reforma jasalǵan bolatyn. Onda ІІM-niń jáne jol polıtsııasynyń shtattaǵy qyzmetkerleri edáýir qysqartylǵan.
K. Másimovtiń aıtýynsha, Grýzııa basshylyǵy bul iste úlken jetistikterge qol jetkizdi. Jemqorlyq azaıyp, ákimshilik kedergiler qysqarǵan. Sonyń arqasynda «Qap taýy eli» jemqorlyq boıynsha álemdik reıtıngtegi jaǵdaıyn birshama ońaltyp aldy.
«Biz ulttyq ereksheligimizge qaraı buny jiti zerttep, ózimizdiń tájirıbemizge engize alamyz. Memleket basshysy meniń tóraǵalyǵymmen arnaıy komıssııa qurdy. Ol keıbir qaǵıdattardy qazaqstandyq júıege engizý jáne taldaý boıynsha jumys jasaýda. Olardyń tájirıbesinde qoldanýǵa keletin keıbir paıdaly úrdister bar», - dedi Úkimet basshysy.
Onyń atap ótkenindeı, tıisti qorytyndylar shyǵarylysymen, usynystar Prezıdentke joldanatyn bolady.
