Qazaqstan kýbogynyń jartylaı fınaldyq juptary anyqtaldy
ASTANA. QazAqparat - Búgin fýtboldan Qazaqstan kýbogynyń jartylaı fınaldyq kezeńinde baq synasatyn komandalardyń jubyn anyqtaý úshin jerebe tartý rásimi ótti, dep jazady sports.kz.
Jerebe tartý qorytyndysy boıynsha almatylyq «Qaırat» pen qaraǵandylyq «Shahter» ózara myqtyny anyqtaıdy. Al, «Aqtóbe» men «Astana» bul kezeńniń kelesi juby dep tanyldy.
Aqtyq synǵa joldamany sarapqa salatyn aıtýly básekeniń alǵashqy kezdesýleri 16 tamyzda ótetin boldy. Al, qarymta kezdesý 24-25 qyrkúıekke josparlanyp otyr.
