Qazaqstan Kýbogynyń jartylaı fınaldyq oıynynda «Ertis» «Shahterden» jeńisti julyp aldy
ASTANA. 26 qyrkúıek. QazAqparat - Fýtboldan Qazaqstan Kýbogynyń jartylaı fınaldyq kezeńiniń birinshi oıynynda pavlodarlyq «Ertis» komandasy qaraǵandylyq «Shahterden» basym tústi, dep habarlaıdy vesti.kz portaly.
Pavlodardyń Ortalyq stadıonynda ótken jarys 1:0 esebimen aıaqtaldy. Birinshi taımda alań ıeleri basymdylyq kórsetti, biraq, Talǵat Baısýfınovtyń oıynshylary esepti asha almady. Ekinshi taım teń jaǵdaıda ótti, al jarys sońynda Vıktor Kýmykovtyń jigitteri basymdaý kórindi, biraq esep ashylmady.
Oıynnyń sheshýshi kezeńi qosymsha ýaqyt berilgende keldi. Alǵashynda «kenshiler» alǵa shyqty, biraq Igor Zenkovıchtiń qaqpa syzyǵynan soqqan dobyn Pavlodar komandasynyń qorǵaýshylary toqtata aldy. «Ertistiń» fýtbolshylary qarsy shabýylǵa shyǵyp, órnekti oıyn kórsete bildi. Ǵafýrjan Súıimbaevtan dop alǵan Pavel Shabalın óz múmkindigin paıdalana bildi.
Bul komandalar arasyndaǵy ekinshi jartylaı fınaldyq oıyn 30 qazan kúni Qaraǵandyda «Shahter» stadıonynda ótetinin atap ótken jón.
Eske sala keteıik, Qazaqstan Kýbogy oıyndarynyń taǵy bir jartylaı fınalynda «Taraz» jáne «Aqtóbe» komandalary teń oınady.
