Qazaqstan kýbogynda «Ordabasy» «Qyzyljardy» jeńip ketti

ASTANA. QazAqparat - Búgin fýtboldan Qazaqstan kýbogy shırek fınalynyń alǵashqy kezdesýinde «Ordabasy» jeńiske jetti, dep habarlaıdy QazAqparat tilshisi.

Shymkenttik klýb jarystyń atalǵan satysynda Petropavldyń «Qyzyljar» klýbymen sheberlik baıqasty.

Bıyl el birinshiliginde eki komanda da týrnır kestesinde aldyńǵy oryndarda keledi. Sol sebepti jankúıerler bul kezdesýde tartysty oıyn bolatynynan úlken úmit kútti.

Oıynnyń birinshi kezeńinde esep ashylǵan joq. Ekinshi kezeńde «Ordabasy» sapynan Vladıslav Sadovskıı 74, Ashat Taǵybergen 77-mınýtta mergendik tanytty.

Osylaısha shymkenttik klýb qarsylasynan 2:0 esebimen jeńiske jetti.

Qarymta oıyndar 7 maýsymǵa belgilengen. Jartylaı fınal 28 maýsym men 8 shildede oınalady. Fınal 4 qarashaǵa belgilengen.

Eske salsaq, budan buryn «Astana» elordada «Turannan» basym tústi.

Sondaı-aq, «Qaırat» pen «Atyraý» teń oınasa, «Tobyl» Qaraǵandynyń «Shahterin» jeńip ketti.