Qazaqstan kýbogynda «Astana» «Qaısardy» iri eseppen jeńdi
ASTANA. QazAqparat - Búgin fýtboldan Qazaqstan kýbogy 1/8 fınalynyń alǵashqy oıyndary ótkizildi, dep habarlaıdy QazAqparat tilshisi.
Elordalyq «Astana» óz alańynda Qyzylordanyń «Qaısaryn» qabyldady. Alǵashqy mınýttan elordalyq klýbtyń basymdyǵy baıqalyp turdy. Olardyń qatarynan Dembo Darbo 11, 16-mınýttarda qos gol soǵyp ketti. Al6 Marko Tomashevıch 25, Elhan Astanov 55, 77-mınýtta «Astananyń» basymdyǵyn arttyrdy. «Qaısardyń» kapıtany Rýslan Saqalbaev 57-mınýtta elordalyq komanda qaqpasynyń toryn týlatty. Osylaısha, «Astana» qarsylasynan 5:1 esebimen basym tústi.
Taǵy bir kezdesýde Shymkenttiń «Ordabasy» klýby óz alańynda Túrkistan oblysynyń «Maqtaralymen» kezdesti. Birinshi kezeńde «Maqtaral» alda turdy. Olardyń qatarynan Dramane Kone 4, Hýan Sandoval 23-mınýtta gol soqsa, oǵan shymkenttik klýbtan Bobyr Abdýhalıkov 19-mınýtta bir golmen jaýap qaıyrdy. «Ordabasy» oılamaǵan jerden qarsylasyna 1:2 esebimen jol berdi.
Al, Qostanaıdyń «Tobyly» óz alańynda Pavlodar oblysynyń «Aqsýynan» 2:0 esebimen basym tústi. Olardyń qatarynan Ivan Rogach 22, Mılan Výkadınovıch 96-mınýtta mergendik tanytty.
Eske salsaq, budan buryn «Qyzyljar» «Jetisýdy» 3:0 esebimen súrindirse, «Kaspıı» «Turanǵa» 0:1 esebimen jol berdi.
Sondaı-aq, «Shahter» «Oqjetpesten» 1:0 esebimen basym tússe, «Aqtóbe» men «Atyraý» 2:2 esebine qanaǵat bildirdi.
Qarymta oıyndar 29 jáne 30 sáýir kúnderine belgilengen.
