Qazaqstan kýbogyn «Shahter» men «Taraz» sarapqa salady
ASTANA. 30 qazan. QazAqparat - Andreı Fınonchenko men Aleksandr Sımchevıchtiń soqqan doptary qaraǵandylyq «Shahterdi» fýtboldan Qazaqstan kýbogynyń fınalyna alyp shyqty, dep habarlady Vesti.kz.
Pavlodarda ótken alǵashqy matchta «kenshiler» jergilikti «Ertiske 0:1 esebimen jol bergen bolatyn. Sondyqtan óz alańynda salǵan jerden lap bergen qaraǵandylyqtar sapynda 38-mınýtta kapıtan Andreı Fınonchenko esep ashty. Ekinshi taımda negizgi ýaqyt aıaqtalýǵa bes mınýt qalǵanda Sımchevıch qarsylastar qaqpasyn dál kózdedi.
Esterińizge sala keteıik, Qazaqstan kýbogynyń fınaly 10 qarasha kúni «Astana-Arena» stadıonynda ótedi. El kýbogyn qaraǵandylyq «Shahter» men «Taraz» sarapqa salady. Oıyndy KazSport telearnasy kórsetedi.
