Qazaqstan kýbogy úshin jarysta "jetisýlyqtar" jeńdi
ALMATY. Qarashanyń 2-si. QazAqparat /Erlik Erjanuly/ - Keshe Almatyda áıelder komandalary arasynda ótken Qazaqstan Kýbogy jarysynyń aqtyq fınalynda "jetisýlyqtardyń" mereıi ústem boldy,
dep habarlaıdy QazAqparat.
Jartylaı fınalda ótken jylǵy el kýbogynyń kúmis júldegeri Pavlodardyń "Ertisin" 3:0 esebimen utqan jarys qojaıyndary aqtyq synda taldyqorǵandyq "Jetisýmen" kezdesti. Onda bıylǵy Qazaqstan kýbogy jarysynda birde-bir ret jeńilis tappaǵan "jetisýlyqtar" ótken jylǵy jetistigin qaıtalap, kýbogty ózderinde saqtap qaldy. Buǵan deıin shırek fınalda da jeńilistiń aşy dámin tatqan "almatylyqtar" aqtyq oıynda da qarsylasynyń osal tusyn taba almaı 3:0 esebimen (25:19, 25:17, 25:21) utyldy. Al 3-4 oryn úshin bolǵan tartysta "astanalyqtar" "Ertis" voleıbolshylarynan 2:3 (25:21, 25:27, 25:27, 25:18, 11:15) esebimen basym tústi. Byltyr da Astana qalasynyń "Astana qanaty" komandasy 3-shi orynnan kóringen bolatyn.
