Qazaqstan kýbogy úshin oıynda Aqjaıyq Qyzyljardy utty
NUR-SULTAN. QazAqparat – Qazaqstan kýbogy úshin toptyq kezeńniń tórtinshi týrynda Petropavldyń «Qyzyljary» «Astana Arena» stadıonynda «Aqjaıyqty» qabyldady, dep habarlaıdy QazAqparat tilshisi.
Osynyń aldynda syrt alańda Horvatııanyń «Osıek» komandasyn joldan taıdyryp, Konferentsııa lıgasynyń úshinshi irikteý saıysyna joldama alǵan qyzyljarlyqtar oraldyqtarmen oıyndy elordada ótkizý týraly usynys túsirgen edi. Buǵan Qazaqstan kásibı fýtbol lıgasy da, «Aqjaıyq» ta qarsy bolmaı, kelisim berdi.
Alma-kezek shabýylmen ótken birinshi taımda grýzııalyq shabýylshy Toma Tabatadzeden pas alǵan ýkraınalyq Ilıa Kovalenko 38-mınýtta esep ashty.
Oıynnyń ekinshi kezeńinde alańǵa tyńnan qosylǵan armenııalyq Zaven Badoıan qarymta shabýyl kezinde 88-mınýtta esepti 2:0-ge jetkizdi.
Osylaısha, moldovalyq maman Igor Pıkýşak jattyqtyratyn oraldyqtar qatarynan úshinshi jeńisine qol jetkizip, «V» tobynda 9 upaı jınap, kósh basyndaǵy Qyzylordanyń «Qaısaryn» qýyp jetti. Aqtaýdyń «Kaspııinde» 4, «Qyzyljarda» 1 ǵana upaı bar. «Qyzyljar» komandasy kýboktyń shırek fınalyna shyǵý múmkindiginen aıyryldy.
«Aqjaıyq» kýboktyq básekede kelesi týrda 5 tamyz kúni Oralda «Qaısardy» qabyldaıdy.
Eske sala keteıik, budan buryn «Qyzyljar» - «Aqjaıyq» matchynyń Petropavldan elordaǵa aýystyrylǵanyn , dopıng qoldanǵany úshin Aıbol Ábikenniń tórt jylǵa fýtboldan shettetilgenin jazǵan bolatynbyz.
