Qazaqstan kýbogy úshin oıynda «Aqjaıyq» qatarynan ekinshi jeńisine qol jetkizdi
ORAL. QazAqparat - Qazaqstan kýbogy úshin oıynda «Aqjaıyq» óz alańynda «Qyzyljar» komandasyn qabyldady, dep habarlaıdy QazAqparat tilshisi.
Bul kezdesýde birinshi taımda esep ashylǵan joq.
Oıynnyń ekinshi kezeńinde «Aqjaıyq» sapyndaǵy grýzııalyq shabýylshy Toma Tabatadze 51-mınýtta mergendik tanytty. Bul onyń oraldyqtar quramyna qosylǵannan keıingi úshinshi goly edi. T.Tabatadze «Kaspıımen» ótken kýboktyq matchta qos goldyń avtory atanǵan bolatyn.
Konferentsııa lıgasynda óner kórsetetin «Qyzyljar» qansha shabýyldap baqqanymen, esep ózgergen joq. 1:0, «Aqjaıyq» paıdasynda.
Osylaısha, moldovalyq maman Igor Pıkýşaktyń shákirtteri Qazaqstan kýbogy oıyndarynda qatarynan ekinshi jeńisine qol jetkizip, óz tobynda 6 upaımen ekinshi orynda keledi. Bul topta 9 upaımen Qyzylordanyń «Qaısary» kósh bastap tur.
Eske sala keteıik, budan buryn Qazaqstan kýbogy úshin oıynda «Aqjaıyqtyń» «Kaspııdi» utqanyn jazǵan bolatynbyz.
Sýretterdi túsirgen Aıbatyr Nurash.
