Qazaqstan kýbogy úshin oıynda «Aqjaıyq» «Kaspııdi» utty
ORAL. QazAqparat - Fýtboldan Qazaqstan kýbogy úshin oıynda «Aqjaıyq» óz alańynda Aqtaýdyń «Kaspııin» qabyldady, dep habarlaıdy QazAqparat tilshisi.
Bul ýkraınalyq maman Vladımır Mazıardyń ornyna kelgen moldovalyq Igor Pıkýşaktyń bas bapker retindegi alǵashqy matchy edi.
Birinshi taımda qonaqtar sapynan Pavel Kıreenko 39-mınýtta esep ashty.
Ekinshi taımda I.Pıkýşak tyńnan grýzııalyq shabýylshy Toma Tabatadze men ýkraınalyq jartylaı qorǵaýshy Ilıa Kovalenkony qosty. Bul taktıka óz jemisin berdi. T.Tabatadze 49-ynshy jáne 58-mınýtta qos goldyń avtory atandy. Іle-shala I.Kovalenko 60-mınýtta esepti 3:1-ge jetkizdi.
Osylaısha, kópten jeńis dámin tatpaǵan «Aqjaıyq» úsh upaıǵa ıe bolyp, óz tobynda ekinshi orynǵa kóterildi. Qazaqstan kýbogy úshin kelesi týrda 23 shildede «Aqjaıyq» «Qyzyljardy», «Kaspıı» «Qaısardy» qabyldaıdy.
Eske sala keteıik, budan buryn «Aqjaıyq» fýtbol klýbynyń bas bapkeri taǵaıyndalǵanyn jazǵan bolatynbyz.
Sýretterdi túsirgen Aıbatyr Nurash
