Qazaqstan kýbogy: «Tobyl» shırek fınalǵa shyqty

ASTANA. QazAqparat - Fýtboldan Qazaqstan kýbogy shırek fınalyna shyqqan besinshi joldama ıesi anyqtaldy, dep habarlaıdy QazAqparat tilshisi.

Qazaqstan kýbogynyń 1/8 fınaly qarymta kezdesýiniń ekinshi oıyn kúnin «Aqsý» (Pavlodar oblysy) men «Tobyl» (Qostanaı) ashty.

Búgingi kezdesýde «Aqsý» sapynan Mıras Turlybek 28-mınýtta esep ashsa, 41-mınýtta qostanaılyq Jaslan Jumashev tarazy basyn teńestirdi.

Oıynnyń 85-mınýtynda Mıras Turlybek soqqan gol pavlodarlyq klýbqa jeńis alyp keldi.

Osylaısha «Aqsý» qarsylasynan 2:1 esebimen basym tústi.

Alǵashqy kezdesýde qostanaılyq klýb 2:0 esebimen jeńgen edi. Eki oıynnyń nátıjesimen «Tobyl» shırek fınalǵa joldama aldy.

Endi búgin, 30 sáýirde «Turan» (Túrkistan) men «Kaspıı» (Aqtaý), «Aqjaıyq» (Oral) pen «Qaırat» (Almaty), «Qaısar» (Qyzylorda) men «Astana» jasyl alańǵa shyǵady.

Al 29 sáýirde «Shahter», «Qyzyljar», «Atyraý» jáne «Ordabasy» komandalary shırek fınalǵa joldama aldy.

Qazaqstan kýbogynda 17 mamyr men 7 maýsym kúnderi 1/4 fınal oınalsa, 28 maýsym men 8 shildede jartylaı fınal bolady.

Fınal 4 qarashada ótedi dep josparlanyp otyr.