QAZAQSTAN KÝBOGY: «Qaırat» «Shahterdi» utty, «Aqtóbe» men «Astana» teń oınady
ASTANA. QazAqparat - Keshe, 16 tamyz kúni elimizdiń Almaty jáne Aqtóbe qalalarynda Qazaqstan kýbogynyń jartylaı fınaldyq oıyndarynyń alǵashqy kezdesýleri ótti.
Almatylyq «Qaırat» óz alańynda Qaraǵandynyń «Shahterin» qabyldap, kenshiler qalasynyń oıynshylaryn aıqyn basymdylyqpen utty - 2:0. Qarymta kezdesý 24 qyrkúıekte Qaraǵandyda ótedi.
Al, syrt alańda «Aqtóbe» fýtbol komandasymen baq synasqan elordalyq «Astana» teń nátıjeni qanaǵat tutty. Esep - 1:1. Qos komandanyń 24 qyrkúıekte Astanada ótetin qarymta kezdesýde qaı jeńgeni aqtyq synǵa joldama alady.
Aıta keteıik, «Astana» men «Aqtóbe» komandalary 21 tamyz, beısenbi kúni Eýropa lıgasynyń pleı-off kezeńinde baq synaıdy. «Aqtóbe» polshalyq «Legııamen» tájikelesse, «Astana» men ıspandyq "Vılıarreal" ekeýi ózara myqtyny anyqtaıdy.
