Qazaqstan kýbogy: «Elimaı» klýby kelesi kezeńge joldama aldy

ASTANA. QazAqparat - Semeıdiń «Elimaı» klýby fýtboldan 2023 jylǵy Qazaqstan kýbogynyń kelesi kezeńine joldama aldy, dep habarlaıdy QazAqparat tilshisi.

Semeılik klýb uzaq jylǵy úzilisten keıin qaıta qurylyp, bıyl birinshi lıgada oınaýǵa múmkindik aldy. Komanda aldymen Qazaqstan kýbogynda dop tepti. Olar V tobynda Astananyń «Jeńis», Túrkistan oblysynyń «Arys» jáne «Taraz» komandalaryn artqa tastap ketti.

Al A tobynan Oraldyń «Aqjaıyǵy» ekinshi kezeńge joldama aldy. Oraldyq klýb Almatynyń «Jas Qyran», Óskemenniń «Altai» jáne almatylyq AKAS klýbtarynan ozdy.

Jarystyń ekinshi satysynda endi «Elimaı» D, «Aqjaıyq» S tobynyń jeńimpazdarymen negizgi kezeńge beriletin joldamany sarapqa salady. Jeńimpaz atanǵan eki komanda jarystyń negizgi kezeńinde Premer-lıgada oınaıtyn 14 komanda qataryna qosylady.

Eske salaıyq, buǵan deıin fýtboldan 2023 jylǵy Qazaqstan kýbogynyń jerebesi tartylǵanyn jazǵan bolatynbyz.