Qazaqstan kýbogy: «Atyraý» shırek fınalǵa shyqty
ASTANA. QazAqparat - «Atyraý» fýtboldan Qazaqstan kýbogy shırek fınalyna shyqty, dep habarlaıdy QazAqparat tilshisi.
Atalǵan týrnırdiń taǵy bir kezdesýinde «Atyraý» men «Aqtóbe» sheberlik baıqasty.
Eki komanda arasyndaǵy alǵashqy oıynda 2:2 esebi tirkelgen edi.
Búgingi oıynda oıynnyń negizgi kezeńinde esep ashylǵan joq. Oıyn overtaımǵa ulasty. Overtaımda jeńimpaz anyqtalmady. Al penaltı serııasynda 9:8 esebimen «Atyraý» jeńiske jetip, shırek fınalǵa úshinshi joldamaǵa qol jetkizdi.
Eske salsaq, budan buryn «Shahter» men «Qyzyljar» shırek fınalǵa joldama aldy.
Dál qazir «Ordabasy» men «Maqtaral» kezdesýiniń birinshi kezeńi aıaqtaldy. Ázirge 1:0 esebimen Túrkistan oblysynyń komandasy alda keledi.
Al 30 sáýirde «Aqsý» men «Tobyl», «Turan» men «Kaspıı», «Aqjaıyq» pen «Qaırat», «Qaısar» men «Astana» jasyl alańǵa shyǵady.
