Qazaqstan kýbogy: «Astana» elordada «Turannan» basym tústi
ASTANA. QazAqparat - Búgin fýtboldan Qazaqstan kýbogy shırek fınalynda «Astana» elordada Túrkistannyń «Turan» komandasyn qabyldady, dep habarlaıdy QazAqparat tilshisi.
Elordalyq klýb atalǵan kezdesýge negizinen jastardy qosty. Dese de, olar jasyl alań tórinde jaqsy oıyn kórsetti. Nátıjesinde birinshi kezeńde Vladıslav Prokopenko 26, 39-mınýtta mergendik tanytty.
Ekinshi kezeńde alań ıeleri oıyn tizginin óz qolynda ustaýǵa tyrysty. Soǵan qaramastan, esep ózgergen joq.
Osylaısha, «Astana» qarsylasynan 2:0 esebimen basym tústi.
Aıta keterligi, túrkistandyq klýb bıyl birinshi lıgada oıyn kórsetip keledi.
Endi «Tobyl» (Qostanaı) men «Shahter» (Qaraǵandy), «Qaırat» (Almaty) men «Aqtóbe» komandalary kezdesedi.
Al, 21:00-de «Ordabasy» (Shymkent) men «Qyzyljar» (Petropavl) sheberlik baıqasady.
Qarymta oıyndar 7 maýsymǵa belgilengen. Jartylaı fınal 28 maýsym men 8 shildede oınalady. Fınal 4 qarashaǵa belgilengen.
