Qazaqstan kýbogy: «Tobyl» óz alańynda «Jeńisten» basym tústi

ASTANA. KAZINFORM - Búgin, 25 maýsymda fýtboldan Qazaqstan kýbogy jartylaı fınalyndaǵy alǵashqy oıynda Qostanaıdyń «Tobyly» jeńiske jetti.

Qostanaılyq klýb bul joly elordalyq «Jeńis» komandasymen kezdesti.

Alǵashqy mınýttan shabýylǵa lap qoıǵan qostanaılyq klýb jyldam gol soǵý múmkindigin izdedi. Degenmen oǵan elordalyq fýtbolshylar tosqaýyl qoıyp jatty. 

Oıynnyń 4-mınýtynda «Jeńis» qorǵaýshylary óreskel qatelikke boı aldyrdy. Óziniń qaqpashysyna dos tastaǵan edi. Sol sátte qaqpashy ony syrtqa shyǵara alǵan joq. Bul qatelikti qostanaılyq klýbtan Aleksandr Zýev sheber paıdalanyp ketti. 

Oıynnyń 27-mınýtynda «Jeńis» sapynan Gonsales Adılo tarazy basyn teńestirse, Naýryzbek Jagorov 73-mınýtta «Tobylǵa» jeńis syılady. 

Osylaısha qostanaılyq klýb qarsylasynan 2:1 esebimen basym tústi.

Sondaı-aq búgin Qazaqstan kýbogynda «Qyzyljar» men «Ordabasy» teń oınady.

Bıyl Qazaqstan kýbogyna Premer-lıga, birinshi jáne ekinshi lıgadan barlyǵy 30 komanda qatysty. Aldymen birinshi jáne ekinshi lıga komandalary alǵashqy irikteý kezeńin ótkizdi.

Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.