Qazaqstan kýbogy shırek fınalyna shyqqan barlyq komanda anyqtaldy

ASTANA. KAZINFORM - Fýtboldan Qazaqstan kýbogynyń shırek fınalyna shyqqan sońǵy eki komanda anyqtaldy.

Jarystyń 1/8 fınalyndaǵy sońǵy eki oıynnyń birinde «Jeńis» (Astana) pen «Aqtóbe» sheberlik baıqasty. Jankúıerler bul kezdesýde aqtóbelik klýb jarysty jalǵastyrýy múmkin degen boljam jaasǵan edi. Soǵan qaramastan elordalyq komanda jınaqy qımyl kórsetip, jeńiske jetý jolyn izdedi.

Komandalar oıyn barysynda alma-kezek shabýylǵa kóbirek kóńil bóldi. Ekinshi kezeńde elordalyq klýbtan Matııa Rom 76-mınýtta soqqan goly jeńis alyp keldi.

Osylaısha «Jeńis» qarsylasynan 1:0 esebimen basym túsip, jarysty jalǵastyrýǵa múmkindik aldy.

Taǵy bir oıynda «Tobyl» (Qostanaı) men «Jetisý» (Taldyqorǵan) jasyl alańǵa shyqty.

Komandalar toqsan mınýt boıy bir-biriniń qaqpasynan sańylaý taba alǵan joq. 

Kezdesý qosymsha kezeńge ulasty. Oıynnyń 116-mınýtynda Jaslan Jumaşev soqqan «Tobyldy» jeńiske jeteledi.

Qaryslasyn 1:0 esebimen jeńgen qostanaılyq klýb shırek fınalǵa shyqty. 

Endi shırek fınalda «Qyzyljar» (Petropavl) men «Elimaı» (Semeı), «Ordabasy» (Shymkent) men «Qaırat» (Almaty), «Turan» (Túrkistan) men «Tobyl» (Qostanaı), «Jeńis» (Astana) pen «Astana» sheberlik baıqasady.