Qazaqstan kýbogy fınalyna ekinshi joldama «Tobylǵa» buıyrdy

ASTANA. KAZINFORM - Qostanaılyq «Tobyl» fýtboldan Qazaqstan kýbogy fınalyna berilgen ekinshi joldamaǵa ıe boldy.

Jartylaı fınalda qostanaılyq komanda elordalyq «Jeńis» klýbymen kezdesti. 

Alǵashqy oıynda olar qarsylasynan 2:1 esebimen basym túsken edi. Sondyqtan elordalyq fýtbolshylar eki oıynnyń nátıjesimen tarazy basyn teńestirýge umtyldy. Birinshi kezeńde komandalar esep asha alǵan joq. 

Ekinshi kezeńniń 65-mınýtynda «Jeńis» sapynan Islambek Qýat esep ashsa, oǵan «Tobyl» sapynan Egor Havlko 87-mınýtta bir golmen jaýap qaıyrdy.

Osylaısha komandalar 1:1 esebine qanaǵat bildirdi. 

Sol arqyly «Tobyl» Qazaqstan kýbogy fınalyna joldama aldy. 

Al budan buryn shymkenttik «Ordabasy» fýtboldan Qazaqstan kýbogy fınalyna shyqty.

Fınal endi 4 qazanda Qyzylorda qalasynda ótkiziledi.

Bıyl Qazaqstan kýbogyna Premer-lıga, Birinshi jáne Ekinshi lıgadan barlyǵy 30 komanda qatysty. Aldymen Birinshi jáne Ekinshi lıga komandalary alǵashqy irikteý kezeńin ótkizdi. 

Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.