Qazaqstan krıptorezervten 200 mln dollar ınvestıtsııalady
ASTANA. KAZINFORM — Jalpy kólemi 700 mln dollardy quraıtyn Qazaqstannyń ulttyq krıptorezervinen qazirdiń ózinde shamamen 200 mln dollar ınvestıtsııalandy. Bul týraly Ulttyq bank tóraǵasynyń orynbasary Bınur Jálenov aıtty.
Onyń aıtýynsha, byltyr krıptorezervke 350 mln dollar bólingen, al bıyl oǵan taǵy 350 mln dollar baǵyttalǵan. Degenmen, qarajat tolyǵymen ınvestıtsııalanǵan joq. Portfeldi Ulttyq banktiń enshiles uıymy — Ulttyq ınvestıtsııalyq korporatsııa basqarady. Qarajat aktıvterdiń ár túrine bólip ornalastyrylady.
— Búginde shamamen 200 mln dollar kóleminde qarajat ınvestıtsııalandy dep oılaımyn. Bul ınvestıtsııalar negizinen krıptonaryqtardaǵy ótimdilikti basqaratyn túrli hedj-qorlarǵa baǵyttaldy, — dedi Bınur Jalenov Úkimet otyrysynan keıingi baspasóz málıhatynda.
Bul rette ol búkil soma bir ǵana krıptovalıýtaǵa salynbaıtynyn atap ótti.
— Basqasha aıtqanda, bul tek bir ǵana krıptovalıýta emes, naryq jaǵdaıyna qaraı bıtkoın, Solana jáne basqalaryn qamtıtyn krıptovalıýtalar jıyntyǵy. Bizdiń basty maqsatymyz – jaı ǵana bıkoın ustap otyrý emes, eń tartymdy ári tabys ákeletin aktıvterdi tańdaý», – dep túsindirdi Ulttyq bank basshysynyń orynbasary
Jyl basynda Qazaqstan Ulttyq krıptorezervke 700 mln dollarǵa deıin ınvestıtsııa salatynyn jazǵan edik.
