Qazaqstan kreatıvti taýarlar men qyzmetter reıtınginde 65-orynǵa shyqty
ASTANA. KAZINFORM – Mádenıet jáne aqparat mınıstri Aıda Balaeva kreatıvti ındýstrııany tsıfrlandyrýǵa arnalǵan Úkimet otyrysynda byltyr engizilgen salyq jeńildikteri salaǵa qalaı áser etkenin baıandady.
- 2024 jyldyń aqpan aıynan bastap kreatıvti kásipkerlerge arnalǵan qoldaý sharalary kesheni aıasynda olarǵa bólshek salyqtyń arnaıy salyq rejımi engizildi. Bul júıe iske qosylǵan 1 jyl ishinde kreatıvti ındýstrııa sýbektileriniń sany 15% artty, jumyspen qamtylǵandar sany 15% ósti. Oǵan qosa, 2024 jylǵy Global Innovation Index nátıjeleri boıynsha «Kreatıvti taýarlar men qyzmetter» kórsetkishinde Qazaqstan 93-orynnan 65-orynǵa kóterildi. «Ulttyq fılmder óndirisi» kórsetkishi boıynsha Qazaqstan 60-orynnan 31-orynǵa joǵarylady, - dedi vedomstvo basshysy.
Aıda Balaeva «Astana hab» rezıdentterine arnalǵan jeńildetilgen salyq rejımi IT sala men kreatıvti ındýstrııanyń ózara tyǵyz baılanysýyna jaǵdaı jasaǵanyn málim etti.
Eske salsaq, byltyr kúzde Qazaqstan kreatıvti ındýstrııalardyń álemdik reıtınginde 28 pozıtsııaǵa kóterilgeni aıtylǵan edi.