Qazaqstan kótergen bastama Zambııada qoldaý tapty
QARAǴANDY. KAZINFORM – Qazaqstan usynǵan bastama aıasynda Zambııada Halyqaralyq volonterler jylynyń resmı ashylýy ótti.
Memleket basshysy Qasym-Jomart Toqaevtyń bastamasymen BUU-nyń turaqty damý maqsatynda jarııalaǵan Halyqaralyq volonterler jyly aıasynda álemniń túkpir-túkpirinde birqatar is-shara ótip jatyr. Bul bastamany qoldaǵan Zambııada Halyqaralyq jyldyń resmı ashylý rásimi ótti.
Saltanatty is-shara Mvınılýnga aýdanynda «Árbir úles mańyzdy: volonterler qoǵam damýyna úles qosady» uranymen uıymdastyrylyp, elde volonterlerdiń turaqty damýǵa qosqan úlesin nasıhattaıtyn is-sharalar ótti.
Oǵan jergilikti atqarýshy organdar men qoǵamdyq uıymdardyń ókilderi qatysty. Saltanatty rásim barysynda BUU Bas hatshysy Antonıý Gýterrıshtiń úndeýi oqyldy.
Jıynnyń resmı ashylýy qarsańynda elde volonterlik qyzmetti keńinen dáripteýge baǵyttalǵan naýqan, ekologııalyq aktsııalar jáne qoǵamdyq oryndardy abattandyrý sharalary uıymdastyryldy.
Turaqty damý maqsatyndaǵy Halyqaralyq volonterler jyly azamattardyń áleýmettik, ekologııalyq jáne gýmanıtarlyq bastamalarǵa belsendi atsalýyna baǵyttalady.
Aıta ketelik Qazaqstan BUU alańynda volonterlikti damytýdyń úzdik tájirıbelerin tanystyrǵan edi.
