Qazaqstan Kóshpendilerdiń búkilálemdik oıyndarynda úshinshi oryn aldy
ASTANA. QazAqparat - Qyrǵyzstan komandasy Kóshpendilerdiń búkilálemdik oıyndarynda medaldar sany boıynsha kósh bastap, birinshi oryn aldy. Ekinshi oryn Túrkimenstan alsa, úshinshi orynǵa Qazaqstan komandasy qol jetkizdi, dep jazady RIA Novostı.
Kóshpendilerdiń búkilálemdik oıyndary Qyrǵyzstanda Ystyqkól jaǵasynda 3-8 qyrkúıek aralyǵynda ótti. Jarysqa sporttyń 25 túri boıynsha álemniń 60-tan asa memleketi qatysty.
Oıyn aıasynda Ystyqkól oblysy Kyrchyn jaılaýynda «Dúnıe júzi kóshpendileri» etnofestıvali ótti.
«Medal sany boıynsha birinshi oryndy Qyrǵyzstan quramasy aldy. Olarda barlyǵy 79 medal, onyń 25-i altyn. Ekinshi orynǵa 15 altyn medal alǵan Túrkimenstan ıe boldy. Al Qazaqstan 12 altyn medal utyp alyp, úshinshi oryn ıelendi», - dep jazylǵan habarlamada.
Reseı komandasy 4-oryn alsa, odan keıingi oryndarǵa Ázerbaıjan men Iran jaıǵasty. Sporttyń ár túri boıynsha medaldy 30 eldiń sportshylary ıelendi.
Memlekettik agenttik dırektory Qanat Amanqulovtyń aıtýynsha, Kóshpendilerdiń Búkilálemdik oıyndarynda álemniń 62 memleketinen 1 000 sportshy qatysqan. Olarǵa jergilikti tóreshilermen birge 60-tan asa sheteldik tóreshiler qyzmet kórsetti.
