Qazaqstan Kóshpendiler oıyndarynda 69 medalmen ekinshi oryndy ıelendi
BІShKEK. QazAqparat - Qyrǵyzstanda ótken ІІІ Dúnıejúzilik Kóshpendiler oıyndarynyń qorytyndysy boıynsha Qazaqstan 69 medalmen ekinshi oryndy ıelendi, dep habarlaıdy QazAqparat Kabarǵa silteme jasap.
Qyrǵyzstan quramasy medal esebi boıynsha birinshi orynnan kórindi - komanda qanjyǵasynda 100 medal. Onyń ishinde 40 altyn, 30 kúmis jáne 30 qola medal bar.
Ózgeshe oıyn órnegin kórsetken Qazaqstan quramasy 16 altyn, 24 kúmis jáne 29 qola medalmen ekinshi orynǵa turaqtady. Úshinshi orynda - reseılik komanda. RF sportshylary 16 altyn, 11 kúmis, 25 qola - barlyǵy 52 medal enshiledi.
Tórtinshi oryn Túrikmenstanǵa (27 medal - 10 altyn, 5 kúmis, 12 qola) buıyrdy. Al Ózbekstan komandasy 33 medalmen (7 altyn, 8 kúmis, 18 qola) úzdik bestikti túıindedi.
