Qazaqstan Kóshbasshysynyń Islam álemi men Batysty, Batys pen Islam álemin jaqyndastyrýǵa sińirgen úlesi zor - ıÝ.Kýchınskaıa
«Árıne, bul syılyqtyń tabys etilýi bizdiń Memleket basshysynyń ıslam álemi aldyndaǵy qyzmetiniń moıyndalýy degen sóz. Menińshe, bizdiń Prezıdent Batys pen Shyǵystyń qarym-qatynasyn jolǵa qoıýǵa, shyndyǵyn aıtqanda, Islam álemi men Batysty, Batys pen Islam álemin bir-birimen jaqyndastyrýǵa tikeleı zor eńbek sińirip keledi», - dedi ol.
ıÝ.Kýchınskaıanyń atap ótýinshe, sońǵy ýaqytta álemde, onyń ishinde ıslam elderinde oryn alǵan sońǵy oqıǵalardy eskerer bolsaq, Elbasynyń «Islamdyq qarjy boıynsha jahandyq kóshbasshy» syılyǵyn ıelenýi ıslam áleminiń oń ımmıdjin qalyptastyrýda zor mańyzǵa ıe.
«Bizdiń Prezıdentimiz kóptegen is atqarýda. Tipti, bizdiń elimiz Dúnıejúzilik ıslam ekonomıkalyq forýmyna bizdiń el tóraǵalyq jasaǵan kezeńde de biraz jumystyń atqarylǵany belgili», - dedi qaýymdastyq dırektory.
Esterińizge sala keteıik, Búgin Dýbaıda QR Prezıdenti Nursultan Nazarbaevqa «Islamdyq qarjy boıynsha jahandyq kóshbasshy» syılyǵy saltanatty túrde tabys etildi. Óıtkeni, syılyq berý jónindegi komıssııa Qazaqstan Kóshbasshysynyń ıslamdyq qarjylandyrýdy alǵa jyljytýdaǵy qyzmetin joǵary baǵalaǵan edi. Bul túsinikti de. Sebebi Qazaqstan burynǵy keńestik elder arasynda eń birinshi bolyp memlekette ıslamdyq qarjylandyrýdyń erkin jumys isteýine múmkindik beretin zań jobasyn qabyldady. 2007 jyly elimizde «Ál-Hılıal» ıslamdyq banki quryldy. Búgingi tańda atalǵan qarjy uıymy elimizde jalpy somasy 80 mln. dollardy quraıtyn 7 jobany qarjylandyryp otyr.
Álemdik ıslam qarjylandyrý (Global Islamic Finance Award, GIFA) syılyǵy álemdik jáne aımaqtyq deńgeıde ıslamdyq bankıng pen qarjylandyrýdy damytýdaǵy mańyzdy jetistikteri úshin beriledi. Syılyq tizilimi aktıvterdi basqarý, korporatıvtik quqyq, ІT, áleýmettik jaýapkershilik, kapıtal naryǵy, bilim syndy túrli 22 atalymdy qamtıdy. Syılyq jeńimpazyn anyqtaý ádistemesin Londonda qonystanǵan «Edbiz Consulting Limited» halyqaralyq ıslamdyq qarjylandyrý konsaltıngtik fırmasy júrgizedi.
Islamdyq qarjy jónindegi halyqaralyq syılyqty tabys etý rásimi alǵash ret 2011 jyldyń jeltoqsanyna Maskat qalasynda ótken 1-shi Oman ıslam ekonomıkalyq forýmynda uıymdastyrylǵan edi. Ol kezde «Islamdyq qarjy boıynsha jahandyq kóshbasshy» syılyǵy Malaızııada ıslamdyq bankıng pen qarjy úshin barlyq ınfraqurylym jasaǵany úshin eldiń burynǵy qarjy mınıstri jáne eks-Premer-Mınıstri Abdýlla Ahmad Badavıge bergen-di.
2012 jyldyń qarashasynda Kýala-Lýmpýrda ótken Azııa qarjylyq forýmynda bul mártebeli syılyq Malaızııanyń Perak shtatynyń murager hanzadasy Radja Nazrın Shahqa tabys etildi. Al ótken jyly 26 qarashada úshinshi syılyqqa Dýbaıda ótken Dúnıejúzilik konferentsııada Pákistannyń burynǵy Premer-Mınıstri Shaýkat Azız ıe boldy.
