Qazaqstan qorjynynda qola júlde
ASTANA. 23 jeltoqsan. QazAqparat - Frantsııa astanasy Parıjde taekvondodan «French open» halyqaralyq týrnıri ótýde. Lıtsenzııalyq saıysqa qatysyp jatqan Qazaqstan quramasy alǵashqy jarys kúninde bir medal enshilep úlgerdi.
58 kelidegi Nursultan Mamaev qorjynǵa qola júlde saldy. Mamaev birinshi kezeńde reseılik Janat Ysqaqovty 7:1 esebimen jeńse, ekinshi kezeńde horvat sportshysy Lovre Brekıchpen ótken jekpe-jektiń negizgi ýaqytynda jeńimpaz anyqtalǵan joq. Qosymsha ýaqytta jerlesimiz mańyzdy soqqy jumsaı bildi. Úshinshi kezdesýde brıtanııalyq Darren Chepman jerlesimizden 1:14 esebimen jeńildi. Alaıda, jartylaı fınalda nemis sportshysy Levent Týnjat 9:2 esebimen Mamaevtyń aldyn orady. Qolda - qola júlde. Bul Nursultan Mamaevtyń London Olımpıadasyna qatysyp kelgennen keıingi alǵashqy iri jeńisteriniń biri, dep habarlaıdy alasharena.kz.
Al «French open» lıtsenzııalyq týrnırine qatysqan 67 kelidegi Ferýza Ergeshova shırek fınalda súrindi. Brazılııalyq Fernanda Soýza men ıspan qyzy Sandra Rodelasty jeńgen Ferýza asa tartysty ótken shırek fınaldyq básekede shveıtsarııalyq Nına Klaıǵa 3:6 esebimen ese jiberdi.
68 kelide el namysyn qorǵaǵan úsh taekvondoshy - Álıhan Adambektegi, Qaırat Sarymsaqov jáne Islamǵalı Ábýovter tıisinshe birinshi jáne ekinshi aınalymdarda jeńilis tapty.
