Qazaqstan qorjynyna 6-altyn medal tústi – jeńil atletıkadan Azııa chempıonaty

ASTANA. QazAqparat – Astanada jeńil atletıkadan jabyq keshendegi Azııa chempıonatynda Qazaqstan qorjynyna altynshy altyn medal tústi, dep habarlaıdy QazAqparat tilshisi.

Qazaqstandyq jeńil atlet Davıd Efremov 60 metrge kedergiler arqyly júgirýden 7.65 sekýnd nátıje kórsetip, máre syzyǵyn birinshi bolyp qıdy.

Taıbeılik Chem Kýe Rý (7.68) ekinshi, japonııalyq Shýkeı Ishıkava (7.70) úshinshi orynǵa ıe boldy.

Osylaısha, D. Efremov altynshy altyndy jeńip aldy.

Ulttyq qurama qorjynynda 6 altyn, 3 kúmis pen 3 qola medal bar.

Sonymen, úsh kúnge sozylǵan jeńil atletıkadan jabyq keshendegi Azııa birinshiligi máresine jetti.

Eske sala keteıik, budan buryn jeńil atletıkadan Azııa chempıonatynda Qazaqstan quramasynyń estafetadan chempıon atanǵanyn jazǵan bolatynbyz.

Sondaı-aq, qazaqstandyq jeńil atletter besinshi altyn medal aldy.

Foto Sportty damytý dırektsııasynyń ınstagram paraqshasynan alyndy