Qazaqstan qorjyny Olımpıadanyń taǵy bir joldamasymen tolyqty

ASTANA. QazAqparat - Ońtústik Koreıanyń Phenchhan qalasynda ótetin XXIII qysqy Olımpıada oıyndaryna búgin taǵy bir sportshymyz joldama jeńip aldy, dep habarlaıdy QazAqparat.

Ol shana sportynan Qazaqstan quramasynyń múshesi Nıkıta Kopyrenko. Shana sportynan Ońtústik Koreıada 12 medal sarapqa salynady.

Esterińizge sala ketsek, osyǵan deıin Qazaqstan sportshylary sporttyń 4 túrinen 33 joldama jeńip alǵan bolatyn. Mine endi Kopyrenko besinshi sport túrinen 34-shi joldamany ıelendi.

Qazaq sportshylary Phenchhan qalasynda toǵyz sport túrinen óner kórsetýdi josparlap otyr.  Olımpıadada jalpy sporttyń 15 túrinen 102 medal jıyntyǵy sarapqa salynady. Tórtjyldyq doda aqpan aıynyń 9-25 kúnderi aralyǵynda ótedi.