Qazaqstan kórshiles memleketterdiń shekaralas aýdandarynda janýarlardy aýsylǵa qarsy vaktsınatsııalaýǵa 2 mln. eýro jumsamaq
«2013 jyldyń qazanynan bizde, Astana qalasynda Orta Azııa óńirinde aýsylmen kúresti úılestirý jáne baqylaý boıynsha sýbóńirlik keńse ashyldy. Buǵan qosa osy keńse janynda vaktsına bankin qurý josparlanyp otyr. Birinshi grant 2 mln. eýrony quraıdy. Ol kórshiles memleketterdiń shekaralas aýdandarynda janýarlardy vaktsınalaý úshin joǵary sapaly vaktsına satyp alýǵa jumsalady», - dedi ol.
Onyń atap ótýinshe, qazirgi tańda elimizdiń 5 oblysynda aýsyldyń strýktýrasyz aqýyzyn anyqtaý jáne vaktsınalanǵan janýarlardyń ımmýnıtetti alǵany anyqtalý ústinde.
«Biz strýktýralyq aqýyzǵa turaqty monıtorıng júrgizip otyrmyz. Bul bizge taıaý jyldardyń ishinde elimizdiń aýsyldan azat aımaq qataryna kirýine múmkindik beredi», - dedi vıtse-mınıstr.
Mınıstrlik derekterine qaraǵanda, aǵymdaǵy jyldyń 5 aıynda keıbir jiti jáne sozylmaly ınfektsııalardy qospaǵanda Qazaqstan aýmaǵynda epızootııalyq jaǵdaı bir qalypty. Osy jyldyń qańtar-mamyr aılarynda jiti ınfektsııalardyń 74 oshaǵy tirkeldi. Bul ótken jyldyń sáıkes kezeńimen salystyrǵanda 29 paıyzǵa kem.